Revenue Staff: రెవెన్యూ ఉద్యోగులకు షాక్.. తీసుకున్న లంచం వెనక్కివ్వాలంటూ మహిళ గొడవ
- యాదాద్రి జిల్లా గుండాలలో ఘటన
- విజయారెడ్డి హత్యను నిరసిస్తూ రెవెన్యూ ఉద్యోగుల ఆందోళన
- పాసు పుస్తకాల జాప్యంపై సిబ్బందిని నిలదీసిన మహిళ
రెవెన్యూ ఉద్యోగులకు ఓ మహిళ షాకిచ్చారు. తన వద్ద నుంచి తీసుకున్న లంచం సొమ్మును తిరిగి ఇవ్వాలని ఉద్యోగులను డిమాండ్ చేశారు. యాదాద్రి భువనగిరి జిల్లా గుండాలలో ఈ ఘటన చోటు చేసుకుంది. వివరాల్లోకి వెళ్తే, తహసీల్దార్ విజయారెడ్డి హత్యను నిరసిస్తూ గుండాలలో రెవెన్యూ ఉద్యోగులు ఆందోళన చేపట్టారు. ఇదే సమయంలో ఓ మహిళా రైతు అక్కడకు చేరుకున్నారు. పాసు పుస్తకాలను ఇవ్వడంలో కొనసాగుతున్న జాప్యంపై సిబ్బందిని నిలదీశారు. తన వద్ద నుంచి లంచంగా తీసుకున్న సొమ్మును తిరిగి ఇవ్వాలని డిమాండ్ చేశారు. దీంతో, షాక్ కు గురైన రెవెన్యూ ఉద్యోగులు అక్కడి నుంచి వెళ్లిపోయారు.
