cars: సరి-బేసి విధానం ఉల్లంఘన.. బీజేపీ నేతకు జరిమానా
![](https://imgb.ap7am.com/thumbnail/tn-8294f9316c77.jpg)
- ఈ విధానం గిమ్మిక్కు మాత్రమేనన్న బీజేపీ నేత విజయ్ గోయల్
- సైకిల్ తొక్కిన ముఖ్యమంత్రి మనీశ్ సిసోడియా
- ఈ విధానంతో రోడ్డపై కార్ల సంఖ్య 15 లక్షలకు తగ్గుతుందన్న కేజ్రీవాల్
ఢిల్లీలో వాయు కాలుష్యం కారణంగా నేటి నుంచి సరి- బేసి విధానాన్ని అమలు చేస్తోన్న విషయం తెలిసిందే. ఇందులో భాగంగా నేడు సరి సంఖ్యల వాహనాలనే రోడ్డుపైకి అనుమతిస్తున్నారు. అయితే, బీజేపీ నేత విజయ్ గోయల్.. ఢిల్లీలో సరి-బేసి సంఖ్య విధానంపై నిరసన తెలిపారు.
బేసి సంఖ్య ఉన్న కారులో తన నివాసం నుంచి బయలుదేరారు. దీంతో ఆయనకు పోలీసులు జరిమానా విధించారు. ఈ సందర్భంగా ఆయన మాట్లాడుతూ... 'ఈ విధానం ఢిల్లీ ప్రభుత్వ గిమ్మిక్కు మాత్రమే. పంట వ్యర్థాల కారణంగానే ఢిల్లీలో వాయు కాలుష్యం ఏర్పడిందని వారు అంటున్నారు. మరి సరి-బేసి విధానం అమలు చేస్తే ఏం లాభం?' అని ప్రశ్నించారు.
సైకిల్ పై ఉప ముఖ్యమంత్రి
![](https://img.ap7am.com/froala-uploads/froala-f47b4d6df4e6433a8d1711d84dcbb1a183030683.jpg)
ప్రతిరోజు 30 లక్షల కార్లు ఢిల్లీ రోడ్లపైకి..
సరి-బేసి విధానంపై ఢిల్లీ ముఖ్యమంత్రి కేజ్రీవాల్ ఈ రోజు మీడియాతో మాట్లాడుతూ... 'ప్రతిరోజు 30 లక్షల కార్లు ఢిల్లీ రోడ్లపైకి వస్తున్నాయి. సరి-బేసి విధానం ద్వారా వీటి సంఖ్య కనీసం 15 లక్షలకు తగ్గుతుంది. కాలుష్యాన్ని తగ్గించేందుకు ఇది తప్పకుండా ఉపయోగపడుతుంది. ప్రజలు దీనికి మద్దతు తెలుపుతున్నందుకు సంతోషం' అని వ్యాఖ్యానించారు. కాగా, ఢిల్లీలో హెల్త్ ఎమర్జెన్సీ ప్రకటించిన నేపథ్యంలో పాఠశాలలకు నవంబరు 5 వరకు సెలవులు ఇచ్చారు.