Hero: ప్రభాస్ కు బర్త్ డే విషెస్ చెప్పిన లోకేశ్, రామ్ చరణ్
- ఈరోజు టాలీవుడ్ హీరో ప్రభాస్ బర్త్ డే
- ‘బ్యాడ్ బాయ్’కు శుభాకాంక్షలంటూ రామ్ చరణ్ పోస్ట్
- ప్రభాస్ మరిన్ని మంచి చిత్రాలలో నటించాలన్న లోకేశ్
టాలీవుడ్ హీరో ప్రభాస్ బర్త్ డే ఈరోజు. ఈ సందర్భంగా ప్రభాస్ కు సినీ ప్రముఖులు, రాజకీయ ప్రముఖులు ఆయనకు శుభాకాంక్షలు తెలిపారు. ‘బ్యాడ్ బాయ్’కు ‘హ్యాపీ బర్త్ డే’ చెబుతున్నానంటూ హీరో రామ్ చరణ్ ఓ పోస్ట్ చేశారు. ఈ సందర్భంగా ప్రభాస్, చరణ్ కలిసి డ్యాన్స్ చేస్తున్న ఓ ఫొటోను పొందుపరిచారు. టీడీపీ నేత నారా లోకేశ్ కూడా ఓ పోస్ట్ చేశారు. ‘బాహుబలి’తో తెలుగు సినిమా ఖ్యాతిని అంతర్జాతీయ స్థాయికి చేర్చిన ప్రభాస్ కి హృదయపూర్వక జన్మదిన శుభాకాంక్షలు తెలియజేస్తున్నట్టు పేర్కొన్నారు. ప్రభాస్ మరిన్ని మంచి చిత్రాలలో నటించి, ప్రజలని ఆనందపరచాలని కోరుకుంటున్నానని తన పోస్ట్ లో పేర్కొన్నారు.
