USA: పాఠశాల వార్షికోత్సవంలో పోల్ డ్యాన్స్... వికటించిన వినోదం.. వీడియో ఇదిగో!

  • యూఎస్ లోని కన్సాస్ లో ఘటన
  • డబ్బులు వెదజల్లిన దృశ్యాలు వైరల్
  • క్షమాపణ చెప్పిన కన్సాస్ అధికారులు

ఓ అథ్లెట్ల పాఠశాల వార్షికోత్సవంలో ముందుగా షెడ్యూల్ ప్రకారం వేసుకున్న వినూత్న కార్యక్రమాల ఆలోచన, అప్పటికి బాగానే ఉన్నప్పటికీ, ప్రోగ్రామ్ అనంతరం మాత్రం తీవ్ర విమర్శలు తెచ్చిపెట్టింది. యూఎస్ లోని కన్సాస్ అథ్లెటిక్ విభాగం, 'లేట్ నైట్ ఇన్ ది పోహాగ్' పేరిట ఓ కార్యక్రమం నిర్వహించగా, మెన్స్ అండ్ ఉమెన్స్ బాస్కెట్ బాల్ లోకల్ సీజన్ మొదలైంది.

అంతవరకూ బాగానే ఉంది. అయితే, ఈ వేడుకల కోసం సదరు స్కూల్ ఇచ్చిన కార్యక్రమాల జాబితా తొలుత అందరికీ నచ్చింది. వాటిని చక్కగా ప్రదర్శించారు కూడా. అందులో పోల్ డ్యాన్స్, డబ్బులను వెదజల్లే మనీ గన్ పై మాత్రం విమర్శలు వచ్చాయి.

 ఓ యువతి స్టేజ్ పై పోల్ డ్యాన్స్ చేస్తుండగా, మరో యువతి, మనీ గన్ తీసుకుని, స్టేజ్ నలువైపులా తిరుగుతూ డబ్బులను వెదజల్లడం, కరెన్సీ కాగితాలను అందుకునేందుకు వీక్షకులు ఎగబడడం.. వీటికి సంబంధించిన వీడియోలు వైరల్ కావడంతో అధికారులు విచారణకు ఆదేశించారు.

ఈ స్నూప్ డాగ్ ప్రదర్శనకు తాము చింతిస్తున్నామని, తాము కేవలం వినోదం కోసమే కార్యక్రమాన్ని రూపొందించామని, ఇలా జరుగుతుందని అనుకోలేదని కన్సాస్ అథ్లెటిక్ విభాగం క్షమాపణలు చెప్పింది. పోల్ డ్యాన్స్, మనీ గన్ వీడియోను మీరూ చూడవచ్చు.

USA
Kansas
Poll Dance
Money Gun
  • Error fetching data: Network response was not ok

More Telugu News