Keerthi Suresh: సినిమా కబుర్లు.. సంక్షిప్త సమాచారం
- కీర్తి సురేశ్ 'మైదాన్' సినిమా
- బాలీవుడ్ కోసం 'సైరా' ప్రీమియర్
- మహేశ్ బాబుతో మరోసారి
* దక్షిణాది భాషా చిత్రాలలో బిజీగా వున్న కథానాయిక కీర్తి సురేశ్ తొలిసారిగా ఓ హిందీ చిత్రంలో నటిస్తోంది. అజయ్ దేవగణ్ హీరోగా నటిస్తున్న ఈ చిత్రం పేరు 'మైదాన్'. భారత ఫుట్ బాల్ పితామహుడిగా పేరుగాంచిన సయ్యద్ అబ్దుల్ రహీం బయోపిక్ గా రూపొందే ఈ చిత్రానికి అమిత్ రవీంద్ర నాథ్ శర్మ దర్శకత్వం వహిస్తున్నారు.
* చిరంజీవి నటించిన 'సైరా' చిత్రాన్ని అక్టోబర్ 2న భారీ ఎత్తున వివిధ భాషాల్లో విడుదల చేస్తున్నారు. ఈ క్రమంలో త్వరలో బాలీవుడ్ ప్రముఖుల కోసం ముంబైలో ప్రీమియర్ షోను ఏర్పాటు చేయడానికి ఏర్పాట్లు చేస్తున్నారట.
* ఆమధ్య మహేశ్ తో 'మహర్షి' చిత్రాన్ని చేసిన దర్శకుడు వంశీ పైడిపల్లి మరో చిత్రానికి రెడీ అవుతున్నాడు. తన తదుపరి చిత్రాన్ని కూడా మహేశ్ తోనే చేయడానికి కథను సిద్ధం చేసుకుంటున్నట్టు తెలుస్తోంది.
