Kodela: నరసరావుపేట 'స్వర్గపురి'లో కోడెల అంత్యక్రియలకు ఏర్పాట్లు
- తన నివాసంలో ఆత్మహత్యకు పాల్పడిన కోడెల
- హైదరాబాద్ నుంచి గుంటూరుకు భౌతికకాయం తరలింపు
- గుంటూరు నుంచి సత్తెనపల్లి మీదుగా నరసరావుపేట చేరుకున్న అంతిమయాత్ర
టీడీపీ సీనియర్ నాయకుడు కోడెల శివప్రసాదరావు అంత్యక్రియలు ఇవాళ నరసరావుపేటలోని స్వర్గపురి శ్మశాన వాటికలో జరగనున్నాయి. కోడెల సోమవారం హైదరాబాద్ లోని తన నివాసంలో ఆత్మహత్యకు పాల్పడిన సంగతి తెలిసిందే. ఈ నేపథ్యంలో ఆయన భౌతికకాయాన్ని నిన్న హైదరాబాద్ నుంచి గుంటూరు తరలించారు. అక్కడి నుంచి సత్తెనపల్లి మీదుగా నరసరావుపేటకు అంతిమయాత్ర నిర్వహించారు. మరికాసేపట్లో కోడెల అంత్యక్రియలు ప్రభుత్వ లాంఛనాలతో జరగనున్నాయి. కోట సెంటర్ నుంచి మెయిన్ రోడ్ మీదుగా అంతిమయాత్ర కొనసాగనుంది.
