Andhra Pradesh: ఏపీ మంత్రి మోపిదేవి ఢిల్లీ టూర్.. కేంద్ర మంత్రి గిరిరాజ్ సింగ్ తో భేటీ!
- ఈరోజు ఢిల్లీకి చేరుకున్న మోపిదేవి
- ఏపీ మత్స్య పరిశ్రమ వృద్ధికి సాయం చేయాలని వినతి
- సానుకూలంగా స్పందించిన గిరిరాజ్ సింగ్
ఆంధ్రప్రదేశ్ పశుసంవర్థక, మత్స్య, మార్కెటింగ్ శాఖ మంత్రి మోపిదేవి వెంకటరమణ ఈరోజు ఢిల్లీకి చేరుకున్నారు. అనంతరం కేంద్ర డెయిరీ, మత్స్య, పశుసంవర్థక శాఖ మంత్రి గిరిరాజ్ సింగ్ తో ప్రత్యేకంగా సమావేశమయ్యారు. ఈ సందర్భంగా ఏపీలో మత్స్య పరిశ్రమ అభివృద్ధికి సహకరించాలనీ, ఇతోధికంగా సాయం చేయాలని కోరారు. ఈ మేరకు ఓ వినతిపత్రాన్ని మోపిదేవి గిరిరాజ్ సింగ్ కు అందజేశారు. విశాఖ హార్బర్ ను దేశంలోనే అగ్రగామిగా తీర్చిదిద్దేందుకు సహకరించాలని విజ్ఞప్తి చేశారు. ఇందుకు సానుకూలంగా స్పందించిన గిరిరాజ్ సింగ్.. ఏపీ ప్రభుత్వం చేసిన విజ్ఞప్తులను పరిశీలించి కావాల్సిన చర్యలు తీసుకుంటామని హామీ ఇచ్చారు.
