Gangula: ఏపీ శాసనమండలి విప్ గంగుల ప్రభాకర్ రెడ్డి కాన్యాయ్ లోని పోలీసు వాహనం బోల్తా
- ఆళ్లగడ్డ సమీపంలో ప్రమాదం
- టైరు పేలి బోల్తా పడ్డ పోలీసు వాహనం
- కడప విమానాశ్రయానికి వెళ్తుండగా ప్రమాదం
కర్నూలు జిల్లా ఆళ్లగడ్డ సమీపంలో ఏపీ శాసనమండలి విప్ గంగుల ప్రభాకర్ రెడ్డి కాన్వాయ్ లోని పోలీసు వాహనం బోల్తా కొట్టింది. ఈ ఉదయం ఈ ప్రమాదం చోటు చేసుకుంది. కడప విమానాశ్రయానికి వెళ్తుండగా... ఆయనకు భద్రతగా వెళ్తున్న కాన్వాయ్ లోని పోలీసు వాహనం టైర్ పేలింది. దీంతో, అదుపుతప్పిన వాహనం పల్టీ కొట్టింది. ఈ ప్రమాదంలో కానిస్టేబుళ్లు గంగాధరప్ప, బాలరాజు, చంద్రయ్యలు గాయపడ్డారు. వీరిలో చంద్రయ్య పరిస్థితి విషమంగా ఉంది. గాయపడ్డవారిని ఆళ్లగడ్డ ప్రభుత్వ ఆసుపత్రికి తరలించారు. ఈ నేపథ్యంలో, గంగుల ప్రభాకర్ రెడ్డి కుమారుడు, ఆళ్లగడ్డ వైసీపీ ఎమ్మెల్యే గంగుల బ్రిజేంద్రారెడ్డి ఆళ్లగడ్డ ఆసుపత్రికి చేరుకున్నారు. మెరుగైన వైద్యం కోసం వారిని నంద్యాలకు తరలించారు.
