Jagan: జగన్ పై అనుచిత వ్యాఖ్యలు చేసిన టీడీపీ నేత అరెస్ట్
- కార్వేటినగరం మాజీ ఎంపీపీ జనార్దన్ రాజు అరెస్ట్
- ఈ నెల 26న జగన్ పై అనుచిత వ్యాఖ్యలు చేసినట్టు ఫిర్యాదు
- ఆందోళనకు దిగిన టీడీపీ శ్రేణులు
ఏపీ ముఖ్యమంత్రి జగన్ పై అనుచిత వ్యాఖ్యలు చేసిన టీడీపీ నేత, చిత్తూరు జిల్లా కార్వేటినగరం మాజీ ఎంపీపీ జనార్దన్ రాజును పోలీసులు అరెస్ట్ చేశారు. నిన్న రాత్రి అదుపులోకి తీసుకున్నారు. వివరాల్లోకి వెళ్తే, ఈ నెల 26న తలకోనలో ముఖ్యమంత్రి జగన్, వైసీపీ రాజ్యసభ సభ్యుడు విజయసాయిరెడ్డిలపై జనార్దన్ అనుచిత వ్యాఖ్యాలు చేశారని పోలీసులకు ఫిర్యాదు అందింది. ఈ నేపథ్యంలో, ఆయనను సీఐ సురేందర్ రెడ్డి అరెస్ట్ చేశారు. మరోవైపు, అరెస్ట్ ను నిరసిస్తూ టీడీపీ నేతలు, కార్యకర్తలు ఆందోళన చేపట్టారు.
