Andhra Pradesh: వర్మ ‘కమ్మ రాజ్యంలో కడప రెడ్లు’లో పవన్ కల్యాణ్ క్యారెక్టర్?
- సినిమాను తెరకెక్కిస్తున్న ఆర్జీవీ
- ఇప్పటికే టైటిల్ సాంగ్ రిలీజ్
- ఆ పాత్ర ఏంటో ఊహించాలని వర్మ హింట్
ప్రముఖ దర్శకుడు రామ్ గోపాల్ వర్మ ‘కమ్మ రాజ్యంలో కడప రెడ్లు’ అనే సినిమాను తెరకెక్కిస్తున్న సంగతి తెలిసిందే. ఈ సినిమాకు సంబంధించిన టైటిల్ సాంగ్ ను వర్మ ఇప్పటికే విడుదల చేశారు. ఏపీ ముఖ్యమంత్రిగా జగన్ ప్రమాణస్వీకారం చేయడం దగ్గరి నుంచి గతంలో జరిగిన రాజకీయ పరిణామాల వరకూ అన్నింటిని ఈ సినిమాలో చూపించబోతున్నారని ఈ సినిమా యూనిట్ చెబుతోంది.
ఈ నేపథ్యంలో వర్మ ఈరోజు ఫన్నీ ట్వీట్ చేశారు. తాను తీస్తున్న ‘కమ్మ రాజ్యంలో కడప రెడ్లు’ సినిమాలో ఈ కొత్త నటుడు (పవన్ కల్యాణ్ లా వున్నాడు) తన సినిమాలో ఏ పాత్ర పోషించబోతున్నాడో ఊహించగలరా? అని నెటిజన్లకు సవాలు విసిరారు. ఈ మేరకు ట్వీట్ చేసిన వర్మ, పవన్ కల్యాణ్ ను పోలిన వ్యక్తి ఫోటోను షేర్ చేశారు.
