Chandrababu: నందమూరి హరికృష్ణ సంవత్సరీకం... జూనియర్ ఎన్టీఆర్, కల్యాణ్ రామ్ లను ఆత్మీయంగా పలకరించిన చంద్రబాబు
- హరికృష్ణ సంవత్సరీకం కార్యక్రమానికి హాజరైన చంద్రబాబు
- అల్లుళ్లతో మాటామంతీ
- హరికృష్ణ చిత్రపటానికి నివాళులు
టీడీపీ అధినేత చంద్రబాబునాయుడు హైదరాబాద్ లో తన బావమరిది నందమూరి హరికృష్ణ సంవత్సరీకం కార్యక్రమానికి హాజరయ్యారు. గతేడాది హరికృష్ణ ఇదే సమయంలో రోడ్డు ప్రమాదంలో కన్నుమూసిన సంగతి తెలిసిందే. ఇవాళ ఆయన సంవత్సరీకం కాగా, చంద్రబాబు ఈ కార్యక్రమానికి హాజరయ్యారు. ఈ సందర్భంగా హరికృష్ణ నివాసంలో ఆయనకు కల్యాణ్ రామ్, జూనియర్ ఎన్టీఆర్ సాదరంగా స్వాగతం పలికారు. హరికృష్ణ తనయులతో ఆత్మీయంగా మసలుకున్న చంద్రబాబు వారితో కుటుంబ పరమైన విషయాలు చర్చించినట్టు తెలిసింది. అంతకుముందు హరికృష్ణ చిత్రపటం వద్ద ఆయన నివాళులు అర్పించారు.
