Telangana: జైపాల్ రెడ్డికి నివాళులర్పించిన సీఎం కేసీఆర్
- జైపాల్ రెడ్డి భౌతికకాయాన్ని సందర్శించిన కేసీఆర్
- ఆయన కుటుంబసభ్యులకు ఓదార్పు
- నివాళులర్పించిన పలువురు మంత్రులు
కేంద్ర మాజీ మంత్రి, కాంగ్రెస్ పార్టీ సీనియర్ నేత జైపాల్ రెడ్డికి సీఎం కేసీఆర్ నివాళులర్పిచారు. జూబ్లీహిల్స్ లోని నివాసంలో జైపాల్ రెడ్డి భౌతికకాయాన్ని ఆయన సందర్శించి, పుష్పగుచ్ఛం ఉంచారు. ఈ సందర్భంగా జైపాల్ రెడ్డి కుటుంబసభ్యులను ఓదార్చి, ధైర్యం చెప్పారు. కేసీఆర్ వెంట టీఆర్ఎస్ నేతలు కే.కేశవరావు, గుత్తా సుఖేందర్ రెడ్డి, సంతోష్, ప్రశాంత్ రెడ్డి, శ్రీనివాస్ గౌడ్ తదితరులు ఉన్నారు. జైపాల్ రెడ్డి భౌతికకాయానికి వారు కూడా నివాళులు అర్పించారు.
