Sonu Sood: మహిళా అభిమాని కోరికను మన్నించి శ్రీలంక వెళ్లిన సోనూసూద్
- అభిమాని వివాహం కోసం దేశం దాటిన సోనూ
- సోషల్ మీడియాలో వైరల్ అవుతున్న ఫోటో
- ప్రశంసలతో ముంచెత్తుతున్న నెటిజన్లు
ఓ మహిళా అభిమాని కోరిక తీర్చేందుకు సోనూసూద్ శ్రీలంక వెళ్లడం నెట్టింట్లో చర్చనీయాంశంగా మారింది. తన వినూత్న నటనా శైలితో తెలుగు ప్రేక్షకులకు బాగా దగ్గరైన సోనూసూద్, ఓ అభిమాని కోరికను మన్నించి ఆమె వివాహం కోసం శ్రీలంక వెళ్లాడు. దీనికి సంబంధించిన ఫోటో ప్రస్తుతం సోషల్ మీడియాలో తెగ వైరల్ అవుతోంది.
తన ఇన్‌స్టా గ్రాం ఖాతాలోనూ సోనూసూద్ ఆ ఫోటోను షేర్ చేశాడు. ఈ ఫోటోను చూసిన అభిమానులు సోనూసూద్‌ను ప్రశంసలతో ముంచెత్తుతున్నారు. అభిమానులు ఇంటి వద్దకు వెళితేనే నటులు బయటకు వచ్చి పలకరించడం కష్టం. అలాంటిది ఏకంగా దేశం దాటి వెళ్లిన సోనూసూద్ గురించి తెలుసుకుని అభిమానులు ఆనందోత్సాహాలు వ్యక్తం చేస్తున్నారు.
