Cricket: నేడు భారత మాజీ కెప్టెన్ గంగూలీ పుట్టినరోజు.. అరుదైన ఫొటోను పంచుకున్న సచిన్ టెండూల్కర్!
- కలిసి క్రికెట్ ఆడాం.. ఇప్పుడు కామెంటరీ చేస్తున్నాం
- ఈ ప్రయాణం చాలాగొప్పగా సాగింది
- ట్విట్టర్ లో స్పందించిన మాస్టర్ బ్లాస్టర్
మాస్టర్ బ్లాస్టర్ సచిన్ టెండూల్కర్ ఓ అరుదైన ఫొటోను ఈరోజు అభిమానులతో పంచుకున్నారు. ఈరోజు భారత జట్టు మాజీ కెప్టెన్ గంగూలీ పుట్టినరోజు సందర్భంగా అండర్ -15 క్రికెట్ ఆడేటప్పుడు గంగూలీతో దిగిన ఫొటోను సచిన్ ట్విట్టర్ లో పోస్ట్ చేశారు. 'హ్యాపీబర్త్ డే దాదా. నీతో కలిసి అండర్-15 క్రికెట్ ఆడటం దగ్గరి నుంచి ఇప్పుడు నీతో కలిసి క్రికెట్ కామెంటరీ చెబుతున్నా. ఇది నిజంగా గొప్ప ప్రయాణమే. నీ భవిష్యత్ ఉజ్వలంగా ఉండాలని కోరుకుంటున్నా’ అని సచిన్ ట్వీట్ చేశారు.
