Telugudesam: లోకేశ్ చేసిన ట్వీట్ పై స్పందన.. నేను మాట్లాడిన మాటలను మార్చారు: వైసీపీ ఎమ్మెల్యే కోటం రెడ్డి
- నారా లోకేశ్ చేసిన ట్వీట్ పై కోటంరెడ్డి స్పందన
- ‘ట్విట్టర్’ వేదికగా నాపై అసత్య ప్రచారం చేశారు
- జర్నలిస్టులను బెదిరించడం చంద్రబాబుకే అలవాటు
నెల్లూరు రూరల్ ఎమ్మెల్యే, వైసీపీ నేత కోటంరెడ్డి శ్రీధర్ రెడ్డి ఓ జర్నలిస్టును బెదిరిస్తున్న ఆడియో క్లిప్ ను టీడీపీ నేత లోకేశ్ ట్విట్టర్ లో పోస్ట్ చేసిన విషయం తెలిసిందే. సదరు జర్నలిస్టును అసభ్య పదజాలంతో కోటంరెడ్డి దూషించడం ఆ ఆడియోలో వినిపిస్తుంది. లోకేశ్ చేసిన ఈ పోస్ట్ పై కోటంరెడ్డి స్పందించారు. ‘ట్విట్టర్’ వేదికగా తనపై అసత్య ప్రచారం చేశారని, ఆ ఫోన్ లో తాను మాట్లాడిన మాటలను మార్చేశారని అన్నారు. జర్నలిస్టులను బెదిరించడం చంద్రబాబుకే అలవాటని ఆరోపించారు.
