shahid kapoor: 'కబీర్ సింగ్' తొలిరోజు వసూళ్లు
- నిన్ననే థియేటర్లకు వచ్చిన 'కబీర్ సింగ్'
- షాహిద్ కపూర్ నటనకు ప్రశంసలు
- తొలి రోజున 20 కోట్ల షేర్
తెలుగులో ఆ మధ్య వచ్చిన 'అర్జున్ రెడ్డి' సంచలన విజయాన్ని నమోదు చేసింది. దర్శకుడిగా ఈ సినిమా సందీప్ రెడ్డి వంగా సత్తాను చాటి చెప్పింది. అటు హీరో .. ఇటు దర్శకుల కెరియర్లో ఈ సినిమా చెప్పుకోదగినదిగా నిలిచిపోయింది. అలాంటి ఈ సినిమాను హిందీలో షాహిద్ కపూర్ హీరోగా 'కబీర్ సింగ్' పేరుతో సందీప్ రెడ్డి వంగా రీమేక్ చేశాడు.
నిన్న థియేటర్లకు వచ్చిన ఈ సినిమాకి, విడుదలైన అన్ని ప్రాంతాల నుంచి మంచి రెస్పాన్స్ వచ్చింది. షాహిద్ కపూర్ నటన అదుర్స్ అనేస్తున్నారు. అంతా అనుకున్నట్టుగానే భారీ ఓపెనింగ్స్ ను రాబట్టింది. తొలి రోజున ఈ సినిమా 20 కోట్ల షేర్ ను వసూలు చేసింది. ఇంతకుముందు షాహిద్ కపూర్ చేసిన 'పద్మావత్' సినిమా తొలిరోజున 18.21 కోట్లను వసూలు చేయగా, 'కబీర్ సింగ్' ఆ రికార్డును అధిగమించడం విశేషం.
