Jagan: వర్షాల కోసం 'సన్యాసి దీక్ష' చేయనున్నాం: స్వరూపానంద
- దుర్గమ్మను దర్శించుకున్న స్వరూపానంద
- లోక కల్యాణార్థం సన్యాసికారి దీక్ష
- టీటీడీ లోని ఆగడాలపై పోరాటం చేసిన ఏకైక పీఠం తమదేనన్న స్వామి
ఆంధ్రప్రదేశ్ రాజధాని అమరావతిలో సన్యాసికారి దీక్ష ఏర్పాటు చేయనున్నట్టు స్వరూపానంద సరస్వతి తెలిపారు. నేడు ఆయన బెజవాడ దుర్గమ్మను దర్శించుకున్నారు. అనంతరం ఆయన మీడియాతో మాట్లాడుతూ, ఈ నెల 15, 16, 17న లోక కల్యాణార్థం సన్యాసికారి దీక్ష చేయనున్నట్టు తెలిపారు.
తెలుగు రాష్ట్రాల్లో సమృద్ధిగా వర్షాలు పడాలని ఈ దీక్షను చేపడుతున్నట్టు వెల్లడించారు. ఈ కార్యక్రమానికి తెలుగు రాష్ట్రాల ఉమ్మడి గవర్నర్ నరసింహన్‌తో పాటు తెలుగు రాష్ట్రాల సీఎంలు కేసీఆర్, జగన్ హాజరు కానున్నారని తెలిపారు. రాష్ట్రంలోని దేవాలయ వ్యవస్థలు, భూములు, టీటీడీ లోని ఆగడాలపై పోరాటం చేసిన ఏకైక పీఠం విశాఖ పీఠమేనని స్వరూపానంద పేర్కొన్నారు.
