Most Honourable Order of the Distinguished Rule of Nishan Izzuddeen: ప్రధాని మోదీకి మరో గౌరవం.. ప్రతిష్టాత్మక పురస్కారం ప్రకటించనున్న మాల్దీవులు!

  • రెండోసారి బాధ్యతల స్వీకరణ అనంతరం తొలి పర్యటన
  • కీలక ప్రాజెక్టులను ప్రారంభించనున్న మోదీ
  • అనంతరం శ్రీలంకకు పయనం

ప్రధాని మోదీ నేడు మాల్దీవుల పర్యటనకు వెళ్లనున్నారు. భారత ప్రధానిగా రెండోసారి ప్రమాణస్వీకారం చేసిన తర్వాత మొదటి విదేశీ పర్యటనలో భాగంగా నేడు మాల్దీవుల్లో, రేపు శ్రీలంకలో మోదీ పర్యటిస్తారు. ఈ టూర్ లో భాగంగా ప్రధాని మాల్దీవుల్లో జాతీయ రక్షణ దళం శిక్షణా కేంద్రంతో పాటు అత్యాధునిక తీరప్రాంత రాడార్ నిఘా వ్యవస్థను మోదీ ప్రారంభిస్తారు.

ఈ నేపథ్యంలో ప్రధాని మోదీకి ప్రతిష్టాత్మక ‘ఆర్డర్ ఆఫ్ నిషానిజుద్దీన్’ అవార్డును ప్రకటించాలని మాల్దీవులు నిర్ణయించింది. ఈ విషయాన్ని మాల్దీవుల ప్రధాని అబ్దుల్లా షాహీద్ ప్రకటించారు. ఈ పర్యటన తర్వాత శ్రీలంకకు ఆదివారం వెళ్లనున్న ప్రధాని మోదీ.. ఈస్టర్ ఉగ్రదాడుల్లో చనిపోయిన ప్రజలకు నివాళులు అర్పిస్తారు. అనంతరం ఇరుదేశాల ద్వైపాక్షిక సంబంధాలపై చర్చలు జరుపుతారు. తిరిగి అదేరోజున భారత్ కు చేరుకుంటారు.

Most Honourable Order of the Distinguished Rule of Nishan Izzuddeen
Narendra Modi
maldives
srilanka
India
  • Loading...

More Telugu News