Guntur District: గుంటూరు జిల్లాలో కుప్పకూలిన కోల్డ్ స్టోరేజి గోడౌన్
- దుగ్గిరాల వద్ద ఘటన
- ప్రమాదం జరిగిన సమయంలో గోడౌన్ లోపల 20 మంది కూలీలు
- కూలీలకు తప్పిన ప్రమాదం
గుంటూరు జిల్లాలో ఓ కోల్డ్ స్టోరేజి గోడౌన్ కుప్పకూలింది. దుగ్గిరాల సమీపంలోని జీవీఆర్ కోల్డ్ స్టోరేజీ గోడౌన్ ఉన్నట్టుండి కూలిపోయింది. ప్రమాదం జరిగిన సమయంలో గోడౌన్ లోపల 20 మంది వరకు కూలీలు పనిచేస్తున్నారు. అయితే వారందరికీ ఎలాంటి ఆపద కలగలేదు. ఈ ఘటనలో దాదాపు 2,000 పసుపు కొమ్ముల బస్తాలకు నష్టం వాటిల్లినట్టు తెలుస్తోంది. దీనిపై మరింత సమాచారం రావాల్సి ఉంది.
