mahatma gandhi: మహాత్ముడికి మోదీ నివాళి
![](https://imgb.ap7am.com/thumbnail/tnews-d16a7e2620c6a7fd845e129a0ad15d7620dd637e.jpg)
- నేడు ప్రమాణస్వీకారం చేయనున్న మోదీ
- గాంధీ, వాజ్ పేయిల సమాధులను సందర్శించిన మోదీ
- మోదీ వెంట అమిత్ షాతో పాటు పలువురు అగ్రనేతలు
భారత ప్రధానిగా నరేంద్ర మోదీ నేడు రెండో సారి ప్రమాణస్వీకారం చేయబోతున్నారు. ఈ నేపథ్యంలో, ఈ ఉదయం ఆయన జాతిపిత మహాత్మాగాంధీకి నివాళి అర్పించారు. రాజ్ ఘాట్ కు వెళ్లిన ఆయన... మహాత్ముడి సమాధిపై పూలు చల్లి, ప్రదక్షిణలు చేసి, నమస్కరించారు. ఈ సందర్భంగా ఆయనతో పాటు బీజేపీ జాతీయ అధ్యక్షుడు అమిత్ షా, ఇతర అగ్ర నేతలు ఉన్నారు. మాజీ ప్రధాని దివంగత వాజ్ పేయి సమాధిని కూడా మోదీ సందర్శించారు. ఆయనకు ఘన నివాళి అర్పించారు. రాత్రి 7 గంటలకు రాష్ట్రపతి భవన్ లో మోదీ ప్రమాణస్వీకారం చేయనున్నారు.
![](https://img.ap7am.com/froala-uploads/froala-a6b200e2b109aadbba8d0f1698fc5e354d8c2b7d.jpg)