Andhra Pradesh: ఊహించాను.. నా కుమారుడు సాధిస్తాడని: వైఎస్ జగన్ తల్లి విజయమ్మ
- గొప్ప విజయం, ప్రజలు మెచ్చిన విజయం
- దేవుడు గొప్ప విజయాన్ని ఇచ్చాడు
- జగన్ ఏం చెప్పాడో అవన్నీ తప్పకుండా చేస్తాడు
ఏపీ అసెంబ్లీ, లోక్ సభ ఎన్నికల ఫలితాల్లో ఊహించని స్థానాలను వైసీపీ కైవసం చేసుకుని, ఇంకా కొన్ని స్థానాల్లో ఆధిక్యంలో కొనసాగుతోంది. ఈ విజయంపై వైసీపీ అధినేత జగన్ ఇప్పటికే స్పందించారు. తాజాగా, వైసీపీ గౌరవ అధ్యక్షురాలు, జగన్ తల్లి సంతోషం వ్యక్తం చేేశారు. ఈ సందర్భంగా ఆమె మీడియాతో మాట్లాడుతూ, ‘నా కొడుకు సాధిస్తాడని ఊహించాను. గొప్ప విజయం, ప్రజలు మెచ్చిన విజయం. దేవుడు గొప్ప విజయాన్ని ఇచ్చాడు. తన (జగన్) నోట ఏమైతే చెప్పాడో అవన్నీ తప్పకుండా చేస్తాడు, దేవుడు చేయిస్తాడు’ అని అన్నారు.
