Gannavaram airport: గన్నవరం విమానాశ్రయంలో ప్రమాదం.. కూలిన ఆర్చ్
- గన్నవరానికి అంతర్జాతీయ విమానాశ్రయ హోదా
- సుందరీకరణ పనుల్లో అపశ్రుతి
- కుప్పకూలిన శ్లాబ్
ఇటీవలే అంతర్జాతీయ విమానాశ్రయ హోదా పొందిన గన్నవరం ఎయిర్‌పోర్టు వద్ద స్వల్ప ప్రమాదం చోటుచేసుకుంది. ముఖద్వారం వద్ద నిర్మాణంలో ఉన్న ఆర్చ్ బుధవారం కుప్పకూలింది. ఈ ఘటనలో ఇద్దరు కూలీలు స్వల్పంగా గాయపడ్డారు. సుందరీకరణ పనుల్లో భాగంగా ఆర్చ్‌పై కాంక్రీటు పనులు చేస్తుండగా ఈ ఘటన జరిగింది. సపోర్టు కోసం సెంట్రింగ్ కింద ఏర్పాటు చేసిన కర్రలు పక్కకు ఒరగడంతో శ్లాబ్ ఒక్కసారిగా కూలింది. కాంక్రీటు, ఐరన్ రాడ్లు మీదపడడంతో ఇద్దరు కార్మికులు గాయపడ్డారు. క్షతగాత్రులు ఇద్దరినీ వెంటనే సమీపంలోని ఆసుపత్రికి తరలించారు.
