Vijayawada: కృష్ణా మిల్క్ యూనియన్ చైర్మన్ ని రాత్రికి రాత్రే మార్చారు: ఈసీకి వైసీపీ ఫిర్యాదు
- మిల్క్ యూనియన్ చైర్మన్ గా చలసాని నియామకం
- ఈ నియామకంపై వైసీపీ అభ్యంతరం
- ‘కోడ్’ అమల్లో ఉండగా రాజకీయ నియామకాలు తగదు
ఏపీలోని కృష్ణా మిల్క్ యూనియన్ వివాదంపై సీఈఓ ద్వివేదికి వైసీపీ ఫిర్యాదు చేసింది. మిల్క్ యూనియన్ చైర్మన్ పదవికి చలసాని ఆంజనేయులుని నియమించడంపై అభ్యంతరం వ్యక్తం చేసింది. ఈ మేరకు ద్వివేదికి వైసీపీ నేత దాసరి బాలవర్ధనరావు ఫిర్యాదు చేశారు. మిల్క్ యూనియన్ చైర్మన్ ని రాత్రికి రాత్రే మంత్రి దేవినేని ఉమ మార్చేశారని ఫిర్యాదులో ఆరోపించారు. ఎన్నికల కోడ్ అమల్లో ఉండగా రాజకీయ నియామకాలు చేయడంపై అభ్యంతరం వ్యక్తం చేశారు.
