rakul: 50 కోట్లు రాబట్టేసిన రకుల్ హిందీ మూవీ
- ఈ నెల 17న విడుదలైన 'దే దే ప్యార్ దే'
- రెండో రోజు నుంచి పుంజుకున్న వసూళ్లు
- రకుల్ గ్లామర్ కి మంచి మార్కులు
తెలుగులో అవకాశాలు తగ్గుతూ ఉండటంతో, తమిళ .. హిందీ భాషాల్లో క్రేజ్ ను పెంచుకునే ప్రయత్నాలను రకుల్ గట్టిగానే చేస్తోంది. ఈ నేపథ్యంలోనే ఆమె అజయ్ దేవగణ్ సరసన నాయికగా 'దే దే ప్యార్ దే' సినిమా చేసింది. ఈ నెల 17వ తేదీన ఈ సినిమాను దేశవ్యాప్తంగా 3100 స్క్రీన్లలో విడుదల చేశారు.
తొలి రోజున ఈ సినిమా 10.41 కోట్లను మాత్రమే రాబట్టడంతో రకుల్ డీలాపడింది. అయితే రెండవ రోజు నుంచి ఈ సినిమా వసూళ్లు పుంజుకోవడంతో రకుల్ మనసు కుదుటపడింది. నిన్నటితో ఈ సినిమా 50 కోట్ల మార్క్ ను అందుకోవడంతో, రకుల్ తేలికగా ఊపిరి పీల్చుకుందట. రకుల్ గ్లామర్ కి ఎక్కువ మార్కులు పడుతుండటం ఆమెకి మరింత సంతోషాన్ని కలిగిస్తోందట. మరి రకుల్ ఆశించినట్టుగానే వరుసగా అక్కడ అవకాశాలు వస్తాయేమో చూడాలి.
