Telangana: రోడ్లపై నిమ్మకాయ సోడా తాగుతున్నారా?.. అయితే ఈ వీడియో మీకోసమే!
- హైదరాబాద్ లోని ట్యాంక్ బండ్ వద్ద ఘటన
- ట్యాప్ వాటర్ ను వాడుతున్న యజమాని
- సోషల్ మీడియాలో వీడియో వైరల్
ఏప్రిల్ వచ్చిందంటే చాలు ఎండలు దంచేస్తాయి. దీంతో కూల్ డ్రింకులు, సోడాలకు డిమాండ్ పెరిగిపోతుంది. ఈ సందర్భంగా సామాన్య ప్రజలు చాలామంది వీధుల్లో సోడాలు అమ్మే తోపుడు బండ్లను ఆశ్రయిస్తారు. నిమ్మకాయ సోడా కేవలం రూ.10 అయినప్పటికీ కనీసం స్వచ్ఛమైన మంచినీళ్లను ఈ సోడా కోసం వాడతారని భావిస్తారు. అయితే ఈ వీడియోను చూస్తే మాత్రం మీ నమ్మకాలు ఎగిరిపోతాయి. హైదరాబాద్ లోని ట్యాంక్ బండ్ సమీపంలో ఓ వ్యక్తి సోడా బండిని పెట్టుకున్నాడు.
అయితే సోడాలో వినియోగించే నీటి కోసం అతను అనుసరించిన మార్గం చూసిన ప్రజలు మాత్రం విస్తుపోయారు. ట్యాంక్ బండ్ సమీపంలో ఫ్లైఓవర్ దగ్గర మొక్కలకు నీళ్లు పడుతున్న ఓ మహిళ దగ్గరకు ఈ డబ్బాను తీసుకెళ్లి పెట్టాడు. దీంతో ఆమె ట్యాప్ నీటిని అందులో నింపింది. దాన్ని తీసుకొచ్చిన అతను సోడాలు అమ్ముకునేందుకు బయలుదేరాడు. ఎవరు తీశారో తెలియదు కానీ ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది.
This is a video from #Hyderabad, to me, it looks like somewhere around tankbund. Looks like he was filling the water carrier with the water from the hose. Be careful when drinking roadside lemon soda. While riding in the heat, I get tempted too! ? pic.twitter.com/gphQkRpWHj
— Paul Oommen (@Paul_Oommen) May 1, 2019
