stock market: స్వల్ప నష్టాల్లో మార్కెట్లు.. కుప్పకూలిన యస్ బ్యాంక్ షేరు!
- 35 పాయింట్లు నష్టపోయిన సెన్సెక్స్
- 6 పాయింట్లు కోల్పోయిన నిఫ్టీ
- 30 శాతం వరకు పతనమైన యస్ బ్యాంక్
దేశీయ స్టాక్ మార్కెట్లు ఈరోజు స్వల్ప నష్టాలతో ముగిశాయి. ఈరోజు ట్రేడింగ్ ముగిసే సమయానికి సెన్సెక్స్ 35 పాయింట్లు నష్టపోయి 39,031కి పడిపోయింది, నిఫ్టీ 6 పాయింట్లు కోల్పోయి 11,748 వద్ద స్థిరపడింది.
బీఎస్ఈ సెన్సెక్స్ టాప్ గెయినర్స్:
హెచ్సీఎల్ టెక్నాలజీస్ (4.00%), టాటా స్టీల్ (2.10%), హెచ్డీఎఫ్సీ బ్యాంక్ (1.77%), ఇన్ఫోసిస్ (1.74%), ఏషియన్ పెయింట్స్ (0.89%).
టాప్ లూజర్స్:
యస్ బ్యాంక్ (-29.23%), ఇండస్ ఇండ్ బ్యాంక్ (-5.21%), హీరో మోటో కార్ప్ (-3.51%), మారుతి సుజుకి (-2.54%), పవర్ గ్రిడ్ కార్పొరేషన్ ఆఫ్ ఇండియా (-2.36%).
ప్రైవేట్ సెక్టార్ బ్యాంక్ అయిన యస్ బ్యాంక్ ఈరోజు కుప్పకూలింది. దాదాపు 30 శాతం వరకు పతనమైంది. మార్చి 31తో ముగిసిన త్రైమాసికానికి గాను రూ. 1,506 కోట్ల నికర నష్టాలను యస్ బ్యాంక్ ప్రకటించడమే దీనికి కారణం.
