chaitu: పోలీస్ ఆఫీసర్ గా చైతూ .. మళ్లీ ఆయన జోడీగా సమంత?
- 'వెంకీ మామ' షూటింగులో బిజీగా చైతూ
- అజయ్ భూపతితో 'మహాసముద్రం'
- నాయికగా సమంతను ఒప్పించే ప్రయత్నం
తాజాగా 'మజిలీ' సినిమాతో నాగచైతన్య భారీ విజయాన్ని సొంతం చేసుకున్నాడు. ఈ సినిమా తన కెరియర్లోనే భారీ వసూళ్లను రాబట్టడంతో ఆయన ఫుల్ జోష్ తో వున్నాడు. ఒక వైపున 'వెంకీమామ' షూటింగులో పాల్గొంటూనే, మరో వైపున ఆ తరువాత ప్రాజెక్టును పట్టాలెక్కించే పనులు చూసుకుంటున్నాడు.
ఈ క్రమంలో 'వెంకీమామ' తరువాత ఆయన 'ఆర్ ఎక్స్ 100' దర్శకుడు అజయ్ భూపతితో ఒక సినిమా చేయనున్నాడనే వార్త ఫిల్మ్ నగర్లో బలంగా వినిపిస్తోంది. ఈ సినిమాకి 'మహాసముద్రం' అనే టైటిల్ ను కూడా ఖరారు చేశారని చెప్పుకుంటున్నారు. సముద్రం నేపథ్యంలో జరిగే మాఫియా కార్యకలాపాలకు సంబంధించిన కథతో ఈ సినిమా ఉంటుందనీ, ఈ సినిమాలో పోలీస్ ఆఫీసర్ గా చైతూ కనిపిస్తాడని చెబుతున్నారు. ఇక ఈ సినిమాలోను ఆయన సరసన సమంతను ఒప్పించేందుకు ప్రయత్నాలు జరుగుతున్నాయని అంటున్నారు.
