Hyderabad: హైదరాబాద్‌లో కార్లలో తరలిస్తున్న రూ.1.34 కోట్ల స్వాధీనం
- హైదరాబాద్‌లో విస్తృత తనిఖీలు
- బంజారాహిల్స్‌లో పట్టుబడిన కోటి రూపాయలు
- మలక్‌పేటలో ఓ బిల్డర్ నుంచి రూ. 34.30 లక్షలు స్వాధీనం
కారులో తరలిస్తున్న కోటి రూపాయలను హైదరాబాద్ పోలీసులు స్వాధీనం చేసుకున్నారు. శనివారం సాయంత్రం పశ్చిమ మండలం టాస్క్‌ఫోర్స్ పోలీసులు బంజారాహిల్స్‌లో తనిఖీలు చేపట్టారు. ఈ సందర్భంగా అనుమానాస్పదంగా కనిపించిన ఓ కారును ఆపి తనిఖీ చేయగా అందులో కోటి రూపాయల నగదు కనిపించింది. ఆ డబ్బుకు సంబంధించి వివరాలను ఆ డబ్బు తరలిస్తున్న వ్యక్తిని కోరగా, అతడి నుంచి సరైన సమాధానం రాలేదు. దీంతో సదరు మొత్తాన్ని స్వాధీనం చేసుకున్నారు. మలక్‌పేటలో నిర్వహించిన తనిఖీల్లో ఎల్బీనగర్‌కు చెందిన కాంట్రాక్టర్ కాశీనాథ్ రెడ్డి కారు నుంచి రూ.34.30 లక్షలను పోలీసులు స్వాధీనం చేసుకున్నారు.
