Nagarjuna: 'మజిలీ' సినిమాలో నాగచైతన్య, సమంతల నటనపై నాగార్జున స్పందన
- వారిని చూసి గర్వపడుతున్నా
- అద్భుతంగా నటించారంటూ కితాబు
- శుక్రవారం రిలీజైన చిత్రం
అక్కినేని నాగచైతన్య, సమంత జంటగా నటించిన చిత్రం మజిలీ. శివ నిర్వాణ దర్శకత్వంలో తెరకెక్కిన ఈ సినిమా శుక్రవారం ప్రేక్షకుల ముందుకు వచ్చింది. ఈ చిత్రాన్ని వీక్షించిన అనంతరం, తన కొడుకు, కోడలు నటనకు ఫిదా అయినట్టు నాగ్ తెలిపారు. ఈ మేరకు ట్విట్టర్ లో స్పందించారు. మజిలీ చిత్రంలో నాగచైతన్య, సమంత తిరుగులేని నటన కనబర్చారని అభినందించారు. వారి నటన పట్ల గర్విస్తున్నానని, రావు రమేశ్, పోసాని కూడా ఆకట్టుకున్నారని నాగ్ ట్వీట్ చేశారు. అంతేకాదు, మజిలీ చిత్రబృందానికి 'ఆల్ ద బెస్ట్' చెప్పారు. పెళ్లయిన తర్వాత చైతూ, సామ్ జంటగా నటించిన చిత్రం ఇదే. దాంతో సినిమా విడుదలకు ముందే భారీ హైప్ సొంతం చేసుకుంది.
