chandrababu: ఢిల్లీ చేరుకున్న చంద్రబాబు
- పార్లమెంటు ఆవరణలో భేటీ కానున్న విపక్ష నేతలు
- పుల్వామా, వాయుసేన దాడులపై చర్చించనున్న నేతలు
- మహాకూటమి, ఈవీఎంలపై కూడా చర్చ
ఏపీ ముఖ్యమంత్రి చంద్రబాబు ఢిల్లీ చేరుకున్నారు. అమరావతి నుంచి గన్నవరానికి హెలికాప్టర్ ద్వారా వచ్చిన ఆయన... అక్కడి నుంచి విమానంలో ఢిల్లీకి వెళ్లారు. పార్లమెంటు ఆవరణలో జరిగే విపక్ష నేతల సమావేశంలో పాల్గొనేందుకు ఆయన ఢిల్లీ వెళ్లారు. ఈ భేటీలో పుల్వామా ఉగ్రదాడి, పాక్ భూభాగంపై వాయుసేన దాడులపై నేతలు చర్చించనున్నారు. వీటిపై ఎలా స్పందించాలనే విషయంపై సమాలోచనలు చేయనున్నారు. దీంతోపాటు మహాకూటమి, ఈవీఎంలపై కూడా చర్చించబోతున్నారు. మరోవైపు, త్వరలో అమరావతిలో నిర్వహించనున్న ధర్మపోరాట దీక్షపై కూడా నేతలు చర్చించనున్నారు.
