rajnath singh: సీఆర్పీఎఫ్ జవాన్ శవపేటికను మోసిన రాజ్ నాథ్ సింగ్!

15-02-2019 Fri 15:43 | National

ఉగ్రదాడిలో 40 మందికి పైగా అమరులైన సీఆర్పీఎఫ్ జవాన్లు
బద్గామ్ లోని సీఆర్పీఎఫ్ క్యాంపుకు వెళ్లిన రాజ్ నాథ్
డీజీపీ దిల్బాగ్ సింగ్ తో కలసి శవపేటికను మోసిన కేంద్ర హోంమంత్రి

పుల్వామాలో సీఆర్పీఎఫ్ జవాన్లపై జరిగిన ఉగ్రదాడిలో 40 మందికి పైగా ప్రాణాలు కోల్పోయారు. ఈ నేపథ్యంలో కేంద్ర హోంమంత్రి రాజ్ నాథ్ సింగ్ జమ్ముకశ్మీర్ కు వెళ్లారు. బద్గామ్ లోని సీఆర్పీఎఫ్ క్యాంపులో ఓ అమరవీరుడి శవపేటికను భుజాలపై మోశారు. రాజ్ నాథ్, జమ్ముకశ్మీర్ డీజీపీ దిల్బాగ్ సింగ్ లతో పాటు ఇతర అధికారులు శవపేటికను మోసి, అమరవీరులకు అంజలి ఘటించారు. ఈ సందర్భంగా రాజ్ నాథ్ సింగ్ విషణ్ణ వదనంతో కనిపించారు. మరోవైపు 'వీర్ జవాన్ అమర్ రహే' అనే నినాదాలతో సీఆర్పీఎఫ్ క్యాంప్ మారుమోగింది.

#WATCH: Home Minister Rajnath Singh and J&K DGP Dilbagh Singh lend a shoulder to mortal remains of a CRPF soldier in Budgam. #PulwamaAttack pic.twitter.com/CN4pfBsoVr
— ANI (@ANI) February 15, 2019