Pawan Kalyan: జనసేనలో విద్యావంతులు, నిపుణుల చేరిక.. ప్రశంసలు కురిపించిన మంచు మనోజ్!
- ఈ కార్యక్రమాన్ని పవన్ ప్రారంభించారు
- దీనిపై నేను సూపర్ హ్యాపీగా ఉన్నా
- ట్విట్టర్ లో స్పందించిన టాలీవుడ్ హీరో
వేర్వేరు రంగాలకు చెందిన నిపుణులు, విద్యావంతులు జనసేన పార్టీలో చేరుతున్న సంగతి తెలిసిందే. ఈ నేపథ్యంలో ప్రజాసేవ కోసం పలువురు విద్యావంతులు ముందుకు రావడాన్ని టాలీవుడ్ హీరో మంచు మనోజ్ స్వాగతించారు. దీనివల్ల ప్రజలకు గణనీయమైన లబ్ధి చేకూరుతుందని వ్యాఖ్యానించారు.
ఈ కార్యక్రమాన్ని జనసేన అధినేత పవన్ కల్యాణ్ ప్రారంభించడం పట్ల తాను సూపర్ హ్యాపీగా ఉన్నానని తెలిపారు. విద్యావంతులు, నిపుణులపై నమ్మకంతో వీరికి పవన్ కల్యాణ్ బాధ్యతలు అప్పగించారని అన్నారు. ఈ మేరకు ట్విట్టర్ లో స్పందించిన మనోజ్ పొన్ రాజ్, పుల్లారావు వంటి నిపుణులు జనసేనలో చేరిన సందర్భంగా తీసిన ఫొటోను ట్వీట్ కు జత చేశారు.
