Kajal Agarwal: సినిమా కబుర్లు.. సంక్షిప్త సమాచారం
- 'మా చేతిలో వుండదంటున్న' కాజల్
- యాదాద్రి సమీపంలో 'సైరా' షూటింగ్
- 'భారతీయుడు' సీక్వెల్ లో కొరియన్ నటి
* ప్రతి సినిమాలోనూ కొత్తగా కనిపించాలనీ, మంచి పాత్ర చేయాలనీ అనుకుంటామని, అయితే ప్రతిసారీ అది సాధ్యం కాదని హీరోయిన్ కాజల్ అగర్వాల్ చెబుతోంది. 'మంచి పాత్రల కోసం ఎదురుచూస్తుంటాం. అరె.. ఆ సినిమాలో పాత్ర నేను చేసుండాల్సింది.. అని ఒక్కోసారి అనిపిస్తుంది. అయితే, ఆ పాత్రకి నేనైతే బాగుంటానని దర్శకుడు కూడా అనుకోవాలి కదా? అలా దర్శకులు అనుకున్నప్పుడే ఆయా పాత్రలు మాకు వస్తాయి. అందుకని మంచి పాత్రలు చేయడం అనేది మా చేతిలో వుండదు' అని చెప్పింది కాజల్.
* చిరంజీవి నటిస్తున్న 'సైరా' చిత్రం తదుపరి షెడ్యూలు షూటింగ్ త్వరలో యాదాద్రి సమీపంలో జరుగుతుంది. ఇందుకోసం యాదాద్రి సమీపంలోని చౌటుప్పల్ మండలంలోని పొలాలలో భారీ సెట్స్ వేస్తున్నారు. ఈ సెట్లో దర్శకుడు సురేందర్ రెడ్డి కీలక సన్నివేశాలను చిత్రీకరిస్తాడు.
* కమలహాసన్, శంకర్ కాంబినేషన్లో రూపొందే 'భారతీయుడు 2' చిత్రంలో దక్షిణ కొరియా నటి బే సూజీ కీలక పాత్ర పోషిస్తుందట. ఈ నెల 18 నుంచి షూటింగ్ జరుపుకునే ఈ చిత్రంలో కాజల్ అగర్వాల్ హీరోయిన్ గా నటిస్తోంది.
