jitender reddy: కార్యకర్తల సమావేశంలో.. టీఆర్ఎస్ ఎంపీ జితేందర్ రెడ్డికి నిరసన సెగ
- మక్తల్ అసెంబ్లీ నియోజకవర్గ కార్యకర్తల సమావేశంలో నిరసనలు
- చిట్టెం రాంమోహన్ రెడ్డి గెలుపుకు కృషి చేయలేదని మండిపాటు
- గో బ్యాక్... అంటూ నినాదాలు
టీఆర్ఎస్ ఎంపీ, లోక్ సభలో ఆ పార్టీ నేత జితేందర్ రెడ్డికి చేదు అనుభవం ఎదురైంది. వివరాల్లోకి వెళ్తే, ఆత్మకూరులో మక్తల్ అసెంబ్లీ నియోజకవర్గ స్థాయి టీఆర్ఎస్ కార్యకర్తల సమావేశం ఈరోజు జరిగింది. ఆ కార్యక్రమానికి జితేందర్ రెడ్డి హాజరయ్యారు. అయితే, ఆయనకు వ్యతరేకంగా ఎమ్మెల్యే చిట్టెం రాంమోహన్ రెడ్డి వర్గీయులు నిరసనకు దిగారు. అసెంబ్లీ ఎన్నికల్లో రాంమోహన్ రెడ్డి గెలుపుకోసం కృషి చేయలేదని మండిపడ్డారు. 'జితేందర్ రెడ్డి గో బ్యాక్' అంటూ నినాదాలు చేశారు.
