Narendra Modi: ప్రధాని మోదీతో భారత్‌ క్రికెట్‌జట్టు సభ్యుడు రవీంద్ర జడేజా దంపతుల భేటీ
- ఆల్‌రౌండర్‌తో కలిసి దిగిన ఫొటోను స్వయంగా ట్వీట్‌ చేసిన ప్రధాని
- జడేజా దంపతులతో కలిసి ముచ్చటించడం ఎంతో ఆనందంగా ఉందని వ్యాఖ్య
- ఈ కలియక వెనుక కారణాలు మాత్రం వెల్లడి కాలేదు
భారత్‌ క్రికెట్‌ జట్టు సభ్యుడు, ఆల్‌రౌండర్‌ రవీంద్ర జడేజా, ప్రధాని నరేంద్ర మోదీని మంగళవారం కలిశారు. భార్య రివాబాతో కలిసి ప్రధాని కార్యాలయానికి వెళ్లిన ఈ లెఫ్ట్‌ఆర్మ్‌ స్పిన్నర్‌, మోదీకి పుష్పగుచ్చం అందించి అభినందనలు తెలిపిన అనంతరం కాసేపు ముచ్చటించారు. ఈ సందర్భంగా తీసిన ఫొటోను స్వయంగా మోదీయే పోస్టు చేస్తూ ‘జడేజా దంపతులతో కలిసి ముచ్చటించడం ఎంతో గొప్పగా ఉంది’ అని ట్వీట్‌ చేయడం గమనార్హం. గుజరాత్‌ రాష్ట్రంలోని జామ్‌నగర్‌కు చెందిన జడేజా ప్రధానిని ఎందుకు కలిశారన్న విషయం మాత్రం తెలియరాలేదు.
