Andhra Pradesh: కడప జిల్లాలో ఆర్టీసీ బస్సు-లారీ ఢీ.. 15 మందికి తీవ్ర గాయాలు!
- ఎదురెదురుగా వస్తూ ఢీకొన్న వాహనాలు
- పక్కకు ఒరిగిపోయిన ఆర్టీసీ బస్సు
- క్షతగాత్రులకు రిమ్స్ లో చికిత్స
వైఎస్సార్ కడప జిల్లాలో ఈ రోజు రోడ్డు ప్రమాదం చోటుచేసుకుంది. ఇక్కడి గువ్వలచెరువు ఘాట్ రోడ్డులో వెళుతున్న ఆర్టీసీ బస్సును ఎదురుగా వస్తున్న లారీ బలంగా ఢీకొట్టింది. దీంతో బస్సు ఓవైపుకు ఒరిగిపోయింది. ఈ ఘటనలో దాదాపు 15 మంది ప్రయాణికులు తీవ్రంగా గాయపడ్డారు. తోటి ప్రయాణికులు అందించిన సమాచారంతో అక్కడకు చేరుకున్న అంబులెన్సులు క్షతగాత్రులను జిల్లా రిమ్స్ ఆసుపత్రికి తరలించాయి.
ఓవైపు బస్సు పక్కకు ఒరిగిపోగా, బస్సును ఢీకొన్న లారీ సైతం మరోవైపు పడిపోయింది. కాగా ఈ ప్రమాదం సందర్భంగా బస్సుకు, రెయిలింగ్ కు మధ్య కారు చిక్కుకుంది. అయితే బస్సు వేగం తగ్గడంతో కారులోని ప్రయాణికులు సురక్షితంగా బయటపడ్డారు. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు.
