జూనియర్ ఎన్టీఆర్ గురించి ఒక్క మాటలో తేల్చేసిన మంచు మనోజ్!

జూనియర్ ఎన్టీఆర్ అంటే తనకు ఎంత అభిమానమో ఇప్పటికే పలుమార్లు మంచు మనోజ్ వెల్లడించాడు. చిన్నతనంలో ఎన్టీఆర్ ను ఎవరో ఏదో అన్నారని... అతని చేయి విరగ్గొట్టాడు మనోజ్. నందమూరి హరికృష్ణ అంతిమ యాత్రలో సైతం ఎన్టీఆర్ కు బౌన్సర్ లా వ్యవహరించాడు. ఈ నేపథ్యంలో ఎన్టీఆర్ అభిమానుల మనసులను దోచుకున్నాడు.

తాజాగా మనోజ్ కు ఓ నెటిజెన్ ఒక ప్రశ్నను సంధించాడు. 'అన్నా, ఎన్టీఆర్ గురించి ఒక్క ముక్కలో చెప్పు' అని ప్రశ్నించాడు. దీనికి సమాధానంగా... 'నా ప్రాణం' అంటూ మనోజ్ అన్నాడు. ఈ సమాధానానికి తారక్ అభిమానులు ఫిదా అయిపోయారు. మనోజ్ పై ప్రశంసల వర్షం కురిపిస్తున్నారు.