Hero Ram: పెళ్లి చేసుకోమని ఇంట్లో గోల పెడతున్నారు.. విననట్టు నటించి దాటవేస్తున్నా: హీరో రామ్
- ‘హలో గురు ప్రేమ కోసమే..’ విజయ యాత్రలో రామ్
- సినిమా అవగానే పెళ్లి విషయం చర్చిద్దామని దాటవేస్తున్నా
- ఎప్పటికప్పుడు సినిమాతో ముడిపెట్టి తప్పించుకుంటున్నా
మొన్నటివరకు ఇండస్ట్రీలో రామ్ కెరీర్‌ ఒక హిట్.. ఒక ఫట్ అన్నట్టుగా సాగింది. కానీ ఇటీవల వచ్చిన ‘హలో గురు ప్రేమ కోసమే..’ చిత్రం సక్సెస్ టాక్‌తో మళ్లీ ట్రాక్ లో పడ్డాడు. ప్రస్తుతం రామ్ ఈ చిత్రం విజయాత్రలతో సరదాగా గడిపేస్తున్నాడు. ఇదిలా ఉంటే వాళ్లింట్లో రామ్‌ని పెళ్లి చేసుకోమని గోల పెడుతున్నారట. ఈ విషయాన్ని ఎప్పటికప్పుడు దాట వేస్తున్నానని రామ్ మీడియాకు తెలిపాడు.
‘‘మా ఇంట్లో పెళ్లి చేసుకోమని ఒకటే గోల పెడుతున్నారు. ‘ఎప్పుడూ సినిమాలే అంటావు. సినిమాలతోనే జీవితం గడిపేస్తున్నావు. పెళ్లి ఎప్పుడు చేసుకుంటావు’ అని అడుగుతున్నారు. ఆ సమయంలో కాసేపు విననట్టు నటించి.. ప్రస్తుతం ఏమీ మాట్లాడొద్దు.. సినిమా అయిపోగానే పెళ్లి విషయాన్ని చర్చిద్దామని దాటవేస్తుంటా. పెళ్లి ప్రస్తావన వచ్చినప్పుడల్లా తర్వాత చిత్రంతో ముడిపెడుతూ తప్పించుకుంటున్నా’’ అంటూ నవ్వేశాడు.
