prachi telan: తెలుగు తెరకి మరో కొత్త కథానాయిక!
- హీరోగా రకుల్ సోదరుడు
- హీరోయిన్ గా ప్రాచీ తేలన్
- త్వరలోనే సెట్స్ పైకి
కొత్తదనం కోసం దర్శక నిర్మాతలు తెలుగు తెరకి కొత్త కథానాయికలను పరిచయం చేస్తూ వస్తున్నారు. అందంతో పాటు అభినయం వున్న వాళ్లు మంచి మార్కులు తెచ్చుకుంటున్నారు. తొలి ప్రయత్నంలోనే సక్సెస్ ను సాధించినవాళ్లు, వరుస అవకాశాలను అందుకుంటున్నారు. ఈ నేపథ్యంలోనే తెలుగు తెరకి మరో కొత్త కథానాయిక పరిచయం అవుతోంది .. ఆ అమ్మాయి పేరే 'ప్రాచీ తేలన్'.
రకుల్ సోదరుడు 'అమన్' కథానాయకుడిగా తెలుగులో ఒక సినిమా రూపొందుతోంది. ఆ సినిమాలో కథానాయికగా 'ప్రాచీ తేలన్' ను ఎంపిక చేసుకున్నారు. గతంలో ఈ అమ్మాయి పలు హిందీ సీరియల్స్ లో నటించింది. ప్రస్తుతం మలయాళంలోను ఒక సినిమా చేస్తోంది. తెలుగులో ప్రాచీ తేలన్ కథానాయికగా నటించనున్న సినిమాకి సంబంధించిన పూర్తి వివరాలు త్వరలోనే తెలియనున్నాయి. ఇక హీరోగా 'అమన్' కూడా ఎంతవరకూ నిలదొక్కుకుంటాడో చూడాలి.
