Donald Trump: ట్రంప్ కాలి బూట్ కు అతుక్కున్న పేపర్.. నెటిజన్ల కామెంట్లు!
- ట్రంప్ ఎడమ కాలి బూట్ కు అతుక్కున్న పేపర్
- ఇది గమనించకుండా విమానమెక్కేందుకెళ్లిన ట్రంప్
- విమానంలోకి వెళుతుండగా దానంతటదే ఊడిపోయింది
యూఎస్ అధ్యక్షుడు డొనాల్డ్ ట్రంప్ కాలి బూట్ కు టాయ్ లెట్ పేపర్ లాంటిదొకటి అతుక్కుని ఉండిపోయింది. అలానే, ఆయన విమానం ఎక్కుతున్న సంఘటనకు సంబంధించిన వీడియో ఒకటి సామాజిక మాధ్యమాల్లో దర్శనమిస్తోంది. మినియా పోలీస్- సెయింట్ పాల్ అంతర్జాతీయ విమానాశ్రయంలో ‘ఎయిర్ ఫోర్స్ -1’ ఎక్కేందుకు వెళ్లిన సందర్భంలో ఈ సంఘటన చోటుచేసుకుంది.
తన ఎడమకాలి బూట్ కు అది అతుక్కుని ఉండటం గమనించని ట్రంప్ విమానం ఎక్కేందుకు వెళ్లారు. విమానంలోకి వెళుతున్న సమయంలో బూట్ కి అతుక్కుని ఉన్న టాయ్ లెట్ పేపర్ దానంతటదే ఊడిపోయింది. కాగా, అక్కడే ఉన్న ఫొటోగ్రాఫర్లు ఈ దృశ్యాన్ని చిత్రీకరించడం గమనార్హం.
