venkatesh: వెంకటేశ్ కూడా కన్ఫ్యూజ్ అయ్యారట!
- సుమంత్ లుక్ చూశాను
- నిజంగా ఏఎన్నార్ అనుకున్నాను
- ఏఎన్నార్ ఎంతో గొప్పవ్యక్తి
'ఎన్టీఆర్' బయోపిక్ కి సంబంధించిన షూటింగ్ చకచకా జరిగిపోతోంది. ఈ సినిమాలో అక్కినేని నాగేశ్వరరావు పాత్రను ఆయన మనవడు సుమంత్ పోషిస్తున్నాడు. నిన్న అక్కినేని నాగేశ్వరరావు జయంతి కావడంతో, ఆ సందర్భాన్ని పురస్కరించుకుని ఈ సినిమా నుంచి ఏఎన్నార్ గా సుమంత్ లుక్ ను రిలీజ్ చేశారు. మధ్య వయసులో అక్కినేని ఎలా ఉండేవారో .. సుమంత్ కూడా అచ్చు అలాగే వున్నాడు.
ఈ పోస్టర్ చూసినవాళ్లు అందులో వున్నది అక్కినేని నాగేశ్వరరావేనని క్షణకాలం పాటు పొరపడ్డారు. అలాగే తాను కూడా కన్ఫ్యూజ్ అయ్యానని హీరో వెంకటేశ్ చెప్పారు. 'ఎన్టీఆర్' బయోపిక్ లో అక్కినేనిగా సుమంత్ లుక్ చూసి కన్ఫ్యూజ్ అయ్యాను. ఆ పోస్టర్లో వున్నది సుమంత్ అనే స్పష్టత రావడానికి నాకు కొంచెం సమయం పట్టింది. అక్కినేని పాత్రలోకి పరకాయ ప్రవేశం చేసినవాడిలా సుమంత్ కనిపిస్తున్నాడు. ఏఎన్నార్ చాలా గొప్పవ్యక్తి .. అలాంటి లెజెండ్ ను ప్రత్యక్షంగా చూసినట్టుగా అనిపించింది' అని అన్నారు. 
