saridon: సారిడాన్ ట్యాబ్లెట్ పై నిషేధం ఎత్తివేత!
![](https://imgb.ap7am.com/thumbnail/tnews-fb9758262b9c2ebc48af9dfc900a60b0c4407edf.jpg)
- 328 కాంబినేషన్ డ్రగ్స్ పై నిషేధం విధించిన సుప్రీంకోర్టు
- సారిడాన్ పై ఈరోజు నిషేధం ఎత్తివేసిన సుప్రీం
- తలనొప్పికి మన దేశంలో సారిడాన్ చాలా ఫేమస్
గత వారం 328 కాంబినేషన్ డ్రగ్స్ ను సుప్రీంకోర్టు నిషేధించిన సంగతి తెలిసిందే. అసురక్షిత మాత్రల జాబితా కింద కేంద్ర ఆరోగ్య శాఖ ఈ 328 మందుల అమ్మకాలు, ఉత్పత్తిపై నిషేధం విధించింది. వీటిలో పెయిన్ కిల్లర్ సారిడాన్ కూడా ఉంది. అయితే, ఆ జాబితాలో ఉన్న సారిడాన్ తో పాటు మరో రెండు మాత్రలపై సుప్రీంకోర్టు నిషేధాన్ని ఎత్తివేసింది. సారిడాన్ ను మార్కెట్లో అమ్ముకోవచ్చంటూ ఈరోజు తీర్పును వెలువరించింది. మన దేశంలో తలనొప్పికి సారిడాన్ ట్యాబ్లెట్ చాలా ఫేమస్. కొన్ని దశాబ్దాలుగా ఈ మాత్రకు ప్రత్యేక గుర్తింపు ఉంది.