pavan kalyan: పవన్ కల్యాణ్ పుట్టినరోజు.. స్పెషల్ వీడియో విడుదల చేసిన జనసేన!
- కడుపుమండి రాజకీయాల్లోకి వచ్చాడు
- ప్రళయకాల రుద్రుడికి తోడుందాం
- జన సైనికులకు పార్టీ పిలుపు
జనసేన అధినేత, పవర్ స్టార్ పవన్ కల్యాణ్ పుట్టిన రోజు సందర్భంగా ఈ రోజు ఆ పార్టీ స్పెషల్ వీడియోను విడుదల చేసింది. జనసేనకు చెందిన శతాగ్ని టీమ్ దీన్ని రూపొందించింది. పవన్ ఎందుకు రాజకీయాల్లోకి వచ్చాడు? ఆయన లక్ష్యం ఏంటి? ఆయన ఏం చేయాలనుకుంటున్నాడు? అంశాలపై జనసేన కార్యకర్తలు, పవన్ అభిమానులను ఉద్దేశించి ప్రత్యేకమైన వీడియోను ఈ రోజు రిలీజ్ చేసింది.
‘స్వాతంత్ర్యం వచ్చి 70 ఏళ్లు అయినా ప్రజల జీవితాల్లో మార్పు రాలేదు. రాజకీయ నాయకులు ప్రజాస్వామ్య వ్యవస్థను మంట కలిపి రాజకీయ విలువలను భూస్థాపితం చేశారు. ఇదంతా చూసిన ఓ సామాన్యుడి కడుపు మండింది. అతను ఓ సాధారణ మధ్య తరగతి కుటుంబంలో జన్మించాడు. అతను అనుకోకుండా సినిమా నటుడు అయ్యాడు. అగ్రనటుడి స్థాయి అతనికి ఆనందాన్ని ఇవ్వలేదు.. బాధ్యతను ఇచ్చాయి. అదే జనసేన’ అంటూ వాయిస్ ఓవర్ తో వీడియో సాగుతోంది.
పవన్ ప్రసంగాలు, సినిమా క్లిప్స్ తో ఈ వీడియోను రూపొందించారు. ‘జనసేన గెలుపు సామాన్యుల గెలుపు, జనసేన ఓడితే.. సామాన్యులు ఓడినట్లే. జనసైనికులరా రాక్షస రాజ్యం తలపెట్టిన ఈ తొలి యుద్ధానికి శతఘ్నులమై సంసిద్ధమవుదాం. అవినీతి అంతం చేసేందుకు ఎర్రటి వస్త్రాన్ని మెడలో వేసుకుని నడిచే ప్రళయ కాల రుద్రుడికి అడుగవుదాం’ అని వీడియోలో ఉంది. ఇంకెందుకు ఆలస్యం మీరూ జనసేన స్పెషల్ వీడియో చూసేయండి.
