ntr: 'ఎన్టీఆర్' బయోపిక్ లో మరో నందమూరి హీరో
- హరికృష్ణ పాత్రను పోషించనున్న కల్యాణ్ రామ్
- ఫిలిం నగర్ లో వైరల్ అవుతున్న వార్త
- అధికారికంగా ఇంకా వెలువడని ప్రకటన
దివంగత నందమూరి తారకరామారావు జీవిత చరిత్రతో 'ఎన్టీఆర్' బయోపిక్ తెరకెక్కుతున్న సంగతి తెలిసిందే. ఈ చిత్రంలో ఎన్టీఆర్ పాత్రను బాలకృష్ణ పోషిస్తుండగా, క్రిష్ దర్శకత్వం వహిస్తున్నారు. పలువురు స్టార్లు నటిస్తున్న ఈ చిత్రంపై ఇప్పటికే భారీ అంచనాలు నెలకొన్నాయి.
తాజాగా ఈ చిత్రానికి సంబంధించి ఓ ఆసక్తికర వార్త ఫిలింనగర్ లో వినిపిస్తోంది. ఈ సినిమాలో నందమూరి హరికృష్ణ పాత్రను ఆయన కుమారుడు నందమూరి కల్యాణ్ రామ్ పోషించనున్నాడట. ఎన్టీఆర్ రాజకీయాల్లోకి అడుగుపెట్టిన సమయంలో, హరికృష్ణ కీలక పాత్ర పోషించిన సంగతి తెలిసిందే. దీనికి సంబంధించి అధికారిక ప్రకటన వెలువడనప్పటికీ... కల్యాణ్ రామ్ నటించడం ఖరారైందని సమాచారం.
