Chiranjeevi: టి. సుబ్బరామిరెడ్డిని పరామర్శించిన మెగాస్టార్ చిరంజీవి
- సుబ్బరామిరెడ్డికి విదేశాలలో మోకాలు శస్త్ర చికిత్స
- హైదరాబాదులో ఆయన ఇంటికి వెళ్లిన చిరు
- 'సైరా' టీజర్ అద్భుతంగా ఉందన్న సుబ్బరామిరెడ్డి
రాజ్యసభ సభ్యుడు డా. టి. సుబ్బరామిరెడ్డికి ఇటీవల విదేశాలలో మోకాలు శస్త్ర చికిత్స జరిగింది. అనంతరం నగరానికి విచ్చేసిన సుబ్బరామిరెడ్డిని హైదరాబాదులోని ఆయన నివాసంలో ఈరోజు మెగాస్టార్ చిరంజీవి పరామర్శించారు. ఈ సందర్భంగా చిరంజీవి తాజా చిత్రం ‘సైరా నరసింహారెడ్డి’ టీజర్ అద్భుతంగా ఉందని, సినిమా ఘన విజయం సాధించి చరిత్రలో నిలిచిపోతుందని సుబ్బరామిరెడ్డి ప్రశంసించారు. అలాగే, చిరంజీవికి జన్మదిన శుభాకాంక్షలు తెలియజేయడంతో పాటు సైరా చిత్ర యూనిట్ సభ్యులందరికీ అభినందనలు తెలిపారు.
