nani: గౌతమ్ మీనన్ దర్శకత్వంలో నాని
- గతంలో గౌతమ్ మీనన్ తో చేసిన నాని
- మళ్లీ నానితో చేసేందుకు సన్నాహాలు
- త్వరలోనే పూర్తి వివరాలు
తెలుగు .. తమిళ భాషల్లో దర్శకుడిగా గౌతమ్ మీనన్ కి మంచి క్రేజ్ వుంది. హీరో విక్రమ్ తో సినిమాను పూర్తిచేసిన ఆయన, తన తదుపరి సినిమాను ధనుష్ .. మేఘా ఆకాశ్ కాంబినేషన్లో చేయనున్నాడు. త్వరలోనే ఈ సినిమా సెట్స్ పైకి వెళ్లనుంది. ఈ సినిమా తరువాత నాని హీరోగా ఒక సినిమా చేయాలనే ఉద్దేశంతో గౌతమ్ మీనన్ వున్నాడట.
గతంలో ఈ ఇద్దరి కాంబినేషన్లో 'ఎటో వెళ్లిపోయింది మనసు' ప్రేక్షకుల ముందుకు వచ్చింది. కాకపోతే ఈ సినిమా అంతగా ఆడలేదు. అయినా గౌతమ్ మీనన్ పై గల నమ్మకంతో నాని ఈ సినిమా చేయడానికి అంగీకరించాడని అంటున్నారు. గౌతమ్ మీనన్ సినిమా తరువాతనే అవసరాల శ్రీనివాస్ .. హను రాఘవపూడితో నాని సినిమాలు చేయనున్నట్టు తెలుస్తోంది. గౌతమ్ మీనన్ ప్రాజెక్టుకు సంబంధించిన పూర్తి వివరాలు త్వరలోనే తెలియనున్నాయి.
