vijayawada: విజయవాడ దుర్గ గుడిలో అమ్మవారి చీర మాయం
- అమ్మవారికి చీరను సమర్పించిన ఉండవల్లికి చెందిన పద్మజ
- కాసేపటికే మాయమైన చీర
- చీర విలువ రూ. 18 వేలు
విజయవాడ కనకదుర్గ అమ్మవారి గుడిలో మరో అలజడి చెలరేగింది. ఉండవల్లికి చెందిన పద్మజ అనే భక్తురాలు మహా మండపంలో అమ్మవారికి సమర్పించిన చీర మాయమైంది. ఈ చీర విలువ రూ. 18 వేలు. ఉత్సవ విగ్రహానికి అలంకరించిన ఈ చీర కాసేపటికే కనిపించకపోవడంతో కలకలం రేగింది. ట్రస్ట్ బోర్డు సభ్యురాలికి ఆ చీరను ఇచ్చినట్టు ఆరోపణలు వినిపిస్తున్నాయి. చీర మాయం గురించి అధికారులు సీసీటీవీ ఫుటేజీని పరిశీలిస్తున్నారు.
మరోవైపు, కాళేశ్వరం క్షేత్రంలో అమ్మవారికి సీఎం కేసీఆర్ సమర్పించిన చీర కూడా మాయం అయిన సంగతి తెలిసిందే. ఈ ఘటనను తెలంగాణ ప్రభుత్వం సీరియస్ గా తీసుకుని, విచారణాధికారిగా డీఆర్వో మోహన్ లాల్ ను నియమించింది. దీనికి సంబంధించి ఇప్పటికే పలువురు ఉద్యోగులు మెమోలు అందుకున్నారు.
