సినిమా కబుర్లు.. సంక్షిప్త సమాచారం

*  గత పదకొండేళ్లుగా టాలీవుడ్ లో పలు చిత్రాలు చేస్తూ వచ్చిన కథానాయిక కాజల్ అగర్వాల్ స్పీడు ఆమధ్య కాస్త తగ్గింది. మళ్లీ ఇప్పుడు బిజీ అవుతోంది. తమిళంలో ప్రస్తుతం 'ప్యారిస్ ప్యారిస్' చిత్రంలో నటిస్తున్న ఈ ముద్దుగుమ్మ, తెలుగులో బెల్లంకొండ శ్రీనివాస్ తో రెండు చిత్రాలు, గోపీచంద్ తో మరో చిత్రం చేస్తోంది. అలాగే మరికొన్ని ప్రాజక్టులు చర్చల దశలో వున్నాయట. కొత్త హీరోయిన్లు వస్తున్నా ఈ చిన్నది ఇంకా బిజీగానే వుండడం విశేషం.
*  ఇటీవల 'చినబాబు' చిత్రంతో ప్రేక్షకుల ముందుకు వచ్చిన హీరో కార్తీ ప్రస్తుతం 'దేవ్' అనే భారీ చిత్రంలో నటిస్తున్నాడు. 50 కోట్ల బడ్జెట్టుతో రూపొందుతున్న ఈ చిత్రం తాజా షెడ్యూలు త్వరలో ఉక్రెయిన్ లో జరుగుతుంది. రజత్ రవిశంకర్ దర్శకత్వం వహిస్తున్న ఈ చిత్రంలో రకుల్ ప్రీత్ సింగ్ కథానాయికగా నటిస్తోంది.
*  వరుణ్ తేజ్ హీరోగా సంకల్ప్ రెడ్డి దర్శకత్వంలో రూపొందుతున్న స్పేస్ థ్రిల్లర్ షూటింగ్ తమిళనాడులోని రామేశ్వరంలో జరుగుతోంది. అక్కడి అబ్దుల్ కలాం స్కూల్ లో ప్రస్తుతం షూటింగ్ చేస్తున్నారు. ఇందులో లావణ్య త్రిపాఠి, అదితి రావు హైదరి హీరోయిన్లుగా నటిస్తున్నారు.