Incometax: శుభవార్త చెప్పిన కేంద్రం.. ఆదాయపన్ను గడువు నెల రోజుల పొడిగింపు!
- ఆదాయపన్ను దారులకు ఊరట
- గడువును నెలరోజులు పెంచిన ప్రభుత్వం
- గడువు దాటితే జరిమానా
ఆదాయపన్ను కట్టేవారికి కేంద్రం గుడ్ న్యూస్ చెప్పింది. పన్ను చెల్లింపు గడువును ఆగస్టు 31 వరకు పెంచుతూ ‘ది సెంట్రల్ బోర్డ్ ఆఫ్ డైరెక్ట్ ట్యాక్సెస్’ (సీబీడీటీ) ఉత్తర్వులు జారీ చేసింది. నిజానికి ఆదాయపన్ను రిటర్న్స్‌కు ఈ నెల 31 చివరి తేదీ, అయితే, గడువును పొడిగించాలంటూ పలు సంస్థల నుంచి ప్రభుత్వానికి విజ్ఞప్తులు రావడంతో ప్రభుత్వం ఈ నిర్ణయం తీసుకుంది.
పెంచిన గడువు లోపల పన్ను రిటర్న్స్ దాఖలు చేయకపోతే రూ.1000 నుంచి రూ.10,000 వరకు అపరాధ రుసుం చెల్లించుకోవాల్సి వస్తుంది. అయితే, అపరాధ రుసుం ఎంత అనే దానిని పన్ను చెల్లించిన తేదీని బట్టి నిర్ణయిస్తారు.
