Pawan Kalyan: వరంగల్ అగ్నిప్రమాద ఘటనపై పవన్ కల్యాణ్ స్పందన
- మృతుల కుటుంబాలకు నా ప్రగాఢ సానుభూతి
- క్షతగాత్రులకు మెరుగైన వైద్య సేవలందించాలి
- బాధిత కుటుంబాలను ప్రభుత్వం అన్ని విధాలా ఆదుకోవాలి
వరంగల్ పరిధిలోని కోటిలింగాలలో ఓ బాణసంచా గోడౌన్ లో భారీ అగ్నిప్రమాదం సంభవించిన ఘటనపై జనసేన పార్టీ అధినేత పవన్ కల్యాణ్ స్పందించారు. ఈ మేరకు దిగ్భ్రాంతి వ్యక్తం చేస్తూ ఓ ప్రకటన విడుదల చేశారు. ఈ ఘటనలో పదకొండు మంది కార్మికులు చనిపోవడం చాలా బాధాకరమైన విషయమని, మృతుల కుటుంబాలకు తన ప్రగాఢ సానుభూతి తెలియజేస్తున్నట్టు చెప్పారు. మృతుల కుటుంబాలను తెలంగాణ ప్రభుత్వం అన్ని విధాలా ఆదుకోవాలని, ఈ ఘటనలో గాయపడ్డ క్షతగాత్రులకు మెరుగైన వైద్య సేవలందించాలని కోరారు. భవిష్యత్ లో ఇలాంటి సంఘటనలు జరగకుండా నిబంధనలు కఠినతరం చేయాల్సిన బాధ్యత ప్రభుత్వంపై ఉందని తెలిపారు.
